Notte e luna
Est una notte e luna
de cuddas lunas de atonzu giaras,
chi cando tue t'acciaras
a sa ider'andare,
isperas novamente in sa fortuna.
Hat piòpidu tantu
tottu sa die. Pariat sa terra
in s'adde e in sa serra,
tra sos fenos siccados,
bestida de antighissimu piantu.
Ma ecco in su serenu
avanzare sa notte; giaru chelu
risplendere e che velu
de isposa, sa luna,
bestit de biancore onzi terrenu.
Antiogu Casula, "Montanaru".
Back
Continue
Sardinia
links
Sardinien på
dansk