MODA
Giuanne, iscuja s'happo ritardadu,
M'est dovere risponder a s'iscrittu
Ca tenes de poeta su merittu
Talentu raru de mente perfetta
Ca tenes su merittu de poetta
Naschidu in d'una bella pianeta,
Bona parte' sa musa t'has leadu
T'happo in lista poetica assentadu
Modista de grammatica e remetica
T'appo assentadu in lsita poetica
De grammatica e remetica modista
T'happo assentadu in poetica
lista
Tue non tenes una mente trista
Ca m'has mandadu una moda cun
arte
Giuanne iscuja s'happo ritardadu,
M'est dovere rispondere a s'iscrittu
Ca de poeta tenes su merittu
Talentu raru de mente perfetta
Ca tenes su merittu de poetta
Naschidu in d'una bona pianeta
Leadu has de sa musa bona parte
A sos modellos fieru istendarte
T'hant consideradu sos poetas
bellos
Ses fieru istendarte a sos modellos
T'hant sos poetas bellos cunsideru
A sos modellos istendarte fieru
T'hant cunsiderun sos bellos
poetas
Unu chi cantat cun rimas perfetas
Li meritat de laru una corona
Giuanne iscuja s'happo ritardadu
M'est dovere rispondere a s'iscrittu
Ca tenes de poeta su merittu
Talentu raru de mente perfetta
Ca tenes su merittu de poetta
Naschidu in d'una bona pianeta
De sas musas leadu has parte
bona
S'aere ischidu sa via e s'Elicona
Deo mi fia a andare attrividu
Sa via e s'Elicona s'aere ischidu
Deo attrividu a andare mi fia
Si d'Elicona ischidu aere sa
via
Deo mi fia attrividu a andare
No unu postu a poder occupare
Ma a su mancu a domandare iscusa
Giuanne iscuja s'happo ritardadu
M'est dovere rispondere a s'iscrittu
Ca de poeta tenes su merittu
Talentu raru, de mente perfetta
Ca tenes su merittu de poetta
Naschidu in d'una bella pianeta
Bona parte leadu has de sa musa
Sa manu Onnipotente l'hat diffusa
A su gener' umanu tottalmente
Diffusa l'hat sa manu onnipotente
E tottalmente a su genere umanu
Diffusa l'hat s'onnipotente
manu
Ca de chela mie terra iss'est
su mere
Giuanne iscuja s'happo ritardadu
Rispondere a s'iscrittu m'est
dovere.
Saludo a tottus in custa settiglia
Unidamente deo e sa famiglia
Antoni Manca de Fonne
Logudorese
