Aliaka masiaka - Boloky masiaka

Hitantsika fa any Madagasikara amin'izao fotoana izao tena tsy mandry intsony ny tany. Ny Mpamaky trano manao ny ataony, ny mpangalatra moa tsy fantatra intsony, ny sasany aza ny zanany vavy no manahirana azy ka itadiavana izay vahaolana mety mba tsy hisy mahasahy miditra ny faritra onenana. Betsaka ireo trano onenan'ny olona izay mifefy rindrim-bato ka vavahady ihany no ahafahana miditra ao, misy ireo trano izay mifefy Tsilo. Ka ny tena iraisan'izy ireo dia ny fisian'ny soratra eo ambavahady hoe"ALIKA MASIAKA", na "CHIEN MECHANT". Ary ny tena mahagaga dia tena atahoran'ny olona tokoa ilay izy ka tena mahomby.

Ity tovolahy iray anefa mba saika hitsidika ity namany tovovavy iray izay mipetraka amin'ny trano iray tsara fefy. Tonga teo ambavahady izy dia gagagaga ihany satria soratra ohatry ny tsy nahazatra azy ny soratra teo amin'ny vavahady. Toy izao ilay soratra:

"TANDREMO FA BOLOKY MASIAKA (Boloky=perroquet=parrot)".

Gaga izy sady sadaikatra kely. Nojereny ilay Boloky etsy mipetraka eo amin'ilay fipetrahany eo ambonin'ny hazo iray, mifatotra rojo ny tongony. Nanontany tena izy hoe, dia izay Boloky ve de atahorako, .. hmmm ... tsy tapa-kevitra hiditra tamin'io vavahady teo izy fa lasa tary amin'ny fidirana vavahady faharoa. Mitovy ihany ny soratra hitany ary tazany teo ihany ilay Boloky.

Dia hoy izy, dia izay Boloky mifatotra ve hampaninona ahy fa aleo hidirako ihany. Dia niditra ilay vavahady izy. Ka nony vao niditra izy dia niteny ilay Boloky hoe:"Bobby, attaque!", dia ilay alika (Bobby) no nanenjika ilay tovolahy.