Habang May Buhay, May Pag-Asa
Buhay sa mundo'y punung-puno ng mga hirap
Kaya kinakailangan na tayo'y magpakatatag
Sabi nga ng kasabihan, "sa likod ng mga ulap
Nagtatago ang araw; naroon ang liwanag"

Sumapit man ang gabi, laganap man ang kadiliman
Sumigaw ka ma't di marinig, nakabibingi man ang katahimikan
Huwag kang susuko't maghintay ng umaga
Sa iyo'y may makikinig din, bukas ang pinto ng pag-asa

Dumating man ang bagyo't malalakas na unos
Sisikat din ang araw; kadiliman ay matatapos
Kawalan ng pag-asa ay itakwil mo at itapon
Ilang beses ka mang madapa, pilit kang bumangon

Laging tandaan, "habang may buhay, may pag-asa"
Basta matuto lang maghintay ng umaga
Laging alalahanin, "kung may dilim, mayroong liwanag"
"Pagsikat ng araw, biyaya ng Diyos ay laganap"...
Home Table of Contents Previous Next
1