Ikaw Ang Pag-Ibig Ko

Sana’y aking sasabihin ay iyong maunawaan

Pagkat hindi ko na mapigil ang nararamdaman

Makita ka lamang, o anong kaligayahan

O di kaya’y makita lang ang nakangiti mong larawan

Ang puso ko’y nabighani sa taglay mong kagandahan

Ang isip ko’y binihag ng malawak mong kaalaman

Kaya sana’y huwag mong alisin sa akin ang karapatan

Na ika’y idolohin at patuloy kong hangaan

Ako’y isa lamang estranghero, nalalaman ko ‘yon

Na may ninanais at hinihiling sa iyo ngayon

Karapatan ay ibigay sa akin na gawin kang inspirasyon

At pakamamahalin ka sa lahat ng panahon

Pagmamahal ko sa iyo ay walang kapantay

Pagkat puso’y sa iyo lamang habang nabubuhay

Pag-ibig kong ito’y walang ibang aangkin

Pagkat tanging ikaw lamang ang aking mamahalin...