Vajtswv tsim      Adas ib tug
Sib txuas lug     nrog Vajtswv nyob
Tsis nco txhob    nco txhawj dabtsi
Tham luag ntxhi   yam tej phoojywg
Tabsim nwg        tig saib tej tsiaj
Saib noog liaj    uas ya nruab ntug
Tsiaj txhua tug   puav leej muaj nkawm
Adas txawm        pib kev khob siab
Ntxhov quas niab  vim tsis muaj poj
Tsis xav noj      vim tsis muaj sev
Tej vaj tsev      zoo li nphob xuav
Ncig khawv khuav  yam li yawm ntsuag
Ntsej muag luag   los twb tsis muaj
Vajtswv tuaj      ntsib nws hauv vaj
Thiaj li npaj     kom nws muaj txij
Yam tej yij       muaj poj muaj laus
Yam tob hau       uas muaj lub cev
Thiaj muaj sev    tab cuab tab yim
Vajtswv tsim      txojkev tsaug zog
Los laum zog      Adas lub cev
Saib tsis ntev    thaum nws tsim los
Nkauj ntsuab mos  nyob nws ib sab
Tus nkauj nyab    nyob ntawm xub ntiag
Zoo siab tiag     xav ntshe npau suav
Nkawv sib yuav    koom ib cev nqaij
Vim lub caij      los txog lawm tiag
Nws dhau kiag     los ua kuv nyab
Vim kuv sab       tav no tos ntshua
Tau nkauj sua     los uas kuv tug
Cev ntaj ntsug    zoo nkauj npaum no
Hlub tag nrho     lub siab lus ntsws
Kev hlub ntws     rau nws ib leeg
Thaum sawv tseeg  nco txog nkauj iab
Kev zoo saib      zaum no muaj tiag
Cua tuaj ntxiag   nco nws ib leeg
Zaum no neeg      tso Saub zuj zus
Nkauj iab mus     de txiv los noj
Tsob txiv roj     uas Saub txwv lawm
Tab xav cawm      los cawm tsis tau
Thiaj li sau      zog nrog nkauj ntsuab
Thiaj li muab     lub txiv los noj
Vajtswv soj       pom kev ntxeev siab
Thiaj li ntiab    nkawv tawm hauv vaj
Nkawv thiaj ncaj  rau txojkev khwv tiag lawm