Asturies y llibertá

Les idees de lliberta del pueblu Astur tan supeditaes a les idees de "lliberta" que´l estau español impon. El pueblu Astur vio comu´l grau d´opresion aumentaba col pasu del tiempu, cada vegada mas tapau per organismus oficiales afines al poder.

La llingua y la cultura constituyen el fechu diferencial d´abondes pueblos "mestizos", y al pueblu Astur le son negaes. Tal vez el mieu a que na concencia "popular" ñazca´l sentir d´una nacion ofusque a politicos centralistes encargaus de caltener la bitola xunteta ente Norte, Sur, Esti y Oesti.

La cultura d´un pueblu ta definia polos carauteres y actitues adquiries a lo llargu la hestoria. Enxamas un pueblu debe dexar a un llau mas de milenta años de hestoria.

Ye incoherente tar apaniguardau de rendir pleitesia.

La llingua ye una forma d´expresar les idees, non de camudarles. L´oficialida de l´Asturianu nun lleva consigu camudar la ideoloxia del pueblu, tan solu permite-y poder comunicarse na so llingua colos organos oficiales, asi comu posibilita la educacion n´Asturianu nas nueses escueles. L´oficialida ye un drechu pol qu´hai que lluchar, reconociu na costitucion del estau opresor y nel Estatutu d´autonomia asturianu.

NACIONALISMU | FUTURU | OFICIALIDÁ | ANTIRACISMU | DALGUNOS LINKS