Sardigna
Sardinia
- Sardegna
  
benevénnidos
benevénnios
benivénnius
beivinuddi
ballu seriu sarulesu 
clicca pro sa musica
pro
'achere manna una carta geografica clicca duas vortas assupra 'e issa
|
|
Medas cyberamicos mi narana chi connoschene pacu
meda de sa Sardigna. Caliacunos hana cuffessau chi mancu ischiana in uve
idi. Ma medas italianos puru hana de s'Isula ideas unu pacu tortas,
proite pessana chi issa sie' partia in custa manera: dae un' ala su paradisu
de sos VIP, sa Costa Smeralda e sas dependentzias suas a ovest e sud, dae
s'attera sa "terra incognita" inuve cumandada sa "Anonima Sequestri".
Est pro custu chi pesso chi siede pretzisu 'achere
custas pazinas: dare a sos amicos unu 'ilu a sighire pro connoschere sa
terra mea. |
Si chirco in mesu a sos recurdos meos potho accattare perlas
de custa casta:
-
Una segnora de sa bona sotziedade torinesa chi mi navada: "Ma lei è
veramente sardo? ma non è possibile, neh?!!! Lei è tanto
colto e parla così bene l'italiano ..."
-
Un' amica corsicana, connòschia in Marocco: "Tu blagues, Carlo.Tu
ne peux pas etre sarde. Les sardes sont tous méchants ... et tu
ne l'es pour rien ......"
-
Unu collega isvedesu, a una chena in sa Miniera de Arenas inuve l'avio
invitau cun d'unu collega frantzesu: "What I can't understand is
whether Sardinia is either an Italian or a French colony...." (ma si pode'
cumprendere: idi imbriagu cottu)
-
Etc. Etc. Etc.
|
Unu nuraghe
a una turre
In
Sardigna vi sunu a su nessi 8000
nuraghes
chi
poden essere a una
o
cius turres.
sunu
costrutziones megaliticas
cun
bovedas a tholos
fradicadas
dae sos protosardos
intra
su 20° e-i su 6° seculu AC
|
Basilica
di Santu Saturnu
Casteddu
Este
una de sas pacas ciesas
paleocristianas
chi
galu si accattana in Sardigna
|
Pro finire, vi sunu resones bastantes pro mi cumbinchere a fachere
custa pazina web.
Sa Sardigna este un' isula collocada in su mesu de su Mare Mediterraneu
otzidentale, chi si isterridi pro 24000 Kmq e poderada cius de unu millione
e mesu de abitantes, duncas no poded essere iscambia' pro Ischia o Capri.
In Sardigna su turismu est importante meda ma no vivimus de turismu
ebbia. Hamus agricultura, industria e servissios chi nos dana unu PIL pro
capite cius mannu de calesisiede Rezone de su Mezzogiorno Italianu. A dolu
mannu nostru, peroe, sos zovanos commo no accattana tribagliu cun fatzilidade;
custa este sa pejus disgrassia de s'Isula. |
Noisatteros sardos semus europeos, istadebos tranquiglios,
e no semus pro nudda malos, cumente credia s'amica mea Marie-Rose de Cognocoli
(Corsica).
Semus differentes dae sos vichinos nostros de Corsica, Sicilia e Italia
meridionale, proite sas bases de sa curtura nostra sunu differentes, ma
no cius de cantu siene differentes sos bretones e-i sos bascos da sos atteros
frantzesos e ispanos, o sos quebecqois dae sos atteros canadesos.
Hamus una limba nostra, su Sardu, una limba romanza cius accurzu a
su latinu de cantu no siene s'italianu e s'ispanu. Hamus puru una istoria
longa, chi nos accurziada a sos cartaginesos e a sos ispanos cius chi no
a sos italianos.
A sa fine, sunu 150 annos ebbia chi semus italianos e solu proite su
primu ministru piemontesu Conte de Cavour no idi resissiu in s'annu 1854
a dare sa Sardigna a sos ingresos a cambiu de azzudu militare contra a
s'Austria. Iffetzis, a pustis havia' dau Nitza e Savoia a sa Frantza. |
Basilica
de Saccarja
una
de sas medas
ciesas
romanicas chi si accattana
in
Sardigna
|
Una
Cala accurtzu a Arbatax
Sas
costas de sa Sardigna sunu intro
a
sas cius bellas de su mundu
|
Duncas, semus italianos proite este anda' gasi. Ma commo, a pustis
chi sos babbos e jajos nostros hana pacau caru cun su sambene issoro su
bullette de intrada a sa Natzione italiana ( solu in sa 1° gherra mondiale
27000 mortos, unu 10% de sa populassione mascia di cussos tempos, contande
pitzinnos minores e vetzos) e chi sa televisione hada accurtziau sa curtura
nostra a cussa de sas atteras rezones de Italia, pesso chi nos podimus
cunsiderare italianos; cun sas differentzias nostras, securu, ma de cada
manera, europeos. |
Nadas
custas cosas, ponzo in custa pazina una paja 'e links dae uve si dia podere
intrare in websites interessantes pro cussos chi cherene haere cius novas
de sa Sardigna Recumendo una visita a su website de su Museu Archeologicu
de Casteddu e de s'Album musicale
Bona
visita!!!!
|
