Intime

Kiel fiki?

Mi opinias, ke por esti bona suprulo, vi unue devas esti sube.

Fiki knabon ne estu nur mem ĝui, sed same multe ĝuigi la fikatan knabon.

Por ke via partnero pli ĝuu, vi povas uzi pli longajn movojn, kiam vi estas en li. Multaj knaboj emas glitigi sian penison en sian partneron kaj tie fari nur rapidajn, mallongajn movojn. Pro propra sperto, mi povas diri, ke mi vere ĝuas, kiam mi sentas knabostangon en- kaj elgliti.

Se vi estas knabo kun konsiderindaj mezuroj (gratulojn!) aŭ knabo kun partnero, kiu ne tro ofte fikiĝas kaj estas vere mallarĝtrua, jen kelkaj rimedoj, kiujn vi povas uzi por plifaciligi la aferon por li.

Unue malstreĉigu lin. Vi povas leki aŭ fingrumi lin. Se vi fingrumas lin, uzu lubrikaĵon. Enigu unu fingron en lian truon kaj rigardu kiel li reagas, poste uzu du fingrojn. Se vi sentas vin aventurema, kaj se ankaŭ li sentas tiel, uzu tri fingrojn. Ne tro multe movu la fingrojn. Via partnero alkutimiĝu al la ideo havi ion en si.

Kiam por li sentas bone, klopodu enigi vian peniskapon. Kiam vi sentas ĝin engliti, haltu kaj tenu ĝin tie dum momento. Kiam via partnero adaptiĝas, puŝu vian penison iom pluen. Se vi rimarkas, ke doloras al via partnero, haltu kaj iomete retiru vian penison, se necese.

Tiel farante, vi fine devus sukcesi enŝovi la plejparton, aŭ eĉ vian tutan penison en lin. Atinginte tion, uzu longajn movojn por maksimuma ĝuo. Ne komplete eliru lin, kiam vi fikas, alikaze aero povus eniri la truon de via partnero, kaj tio povus konduki al embarasaj rezultoj. Tamen, glitigi la peniskapon en kaj el via partnero povas esti mirinda maniero por "frenezigi" lin.

Ne forgesu la penison de via partnero, kiam vi fikas lin. Ludu kun ĝi, krom se li estas kiel mi, kaj kelkaj rapidaj karesoj jam venigas lin. Povas esti amuze, ludeme frapi la postaĵon de via partnero dum vi fikas lin.

Fiki povas fariĝi rutina afero. Kiam vi alkutimiĝis al unu aŭ du pozicioj, provu novajn. Mi ne faros sugestojn, ĉar estas tiom multe da eblaj pozicioj... sed mi povas diri, ke mi ŝategas ŝanĝi de unu pozicio al alia, kiam mi fikas mian partneron, aŭ li min. Kuraĝigu vian partneron provi novajn manierojn. Ankaŭ provu lokojn aliajn ol via dormĉambro aŭ lito. Ĉu vi iam estis sur dezerta kampara vojo kaj klinis vian partneron sur la motorkovrilon por fiki lin? Ĉu sur la balkono de via loĝejo? En seksklubo aŭ en varma bano? Ĉu vi iam fikis sur monteto donanta rigardon al bela pejzaĝo, aŭ sur plaĝo dum stela nokto? Vi povas provi ankaŭ diversajn lokojn en via loĝejo.

Kiam temas pri lubrikaĵo, granda vario estas je via dispono, de salivo ĝis centoj da komercaj markoj. Persone mi ne tro ŝatas komercaj lubrikaĵoj por seksumado. Ili ofte fariĝas tro densaj, aŭ ili forsekiĝas aŭ ili povas esti tro glitaj, aŭ malfacile forpurigeblaj. Lubrikaĵo, kiu ofte estas forgesata, estas lociono. Estas havebla amaso da sur akvo bazitaj manaj kaj korpaj locionoj.

Persone, mi preferas locionojn, ĉar ili estas facile forpurigeblaj, ili iom sorbas (sekslubrikaĵoj ne faras tion), kaj ili provizas sufiĉe da lubriko por faciligi la aferon, kaj ne tiom multe kvazaŭ vi fikus malsekan viŝtukon.

Ne multe pli mi povas diri pri tiu ĉi subjekto, nur ke kreemo estas ĉi-rilate la plej grava afero.